Ağagülov Eldəniz Etibar oğlu

454

Ağagülov Eldəniz Etibar oğlu

    Ağagülov Eldəniz Etibar oğlu 3 may 1975-ci ildə Alpan kəndində anadan olmuşdur. 1992-ci ildə Alpan kənd orta məktəbini bitirmişdir. Əmək fəaliyyətinə   Sabir adına sovxozda fəhlə kimi başlamışdır.

    1993-cü ilin iyul ayının 5-də Milli Ordu sıralarına çağırılan Eldəniz  Güzdəkdə yerləşən hərbi hissədə xidmət etmiş və 8 ay ərzində burada hərbin sirlərinə yiyələnmişdir. 1994-cü ilin mart ayının 11-də Eldənizi döyüş bölgəsinə-Ağdama göndərirlər. Orada o ərazinin düşmənlərdən təmizlənməsində fədəkarlıq göstərmişdir.

    Onun döyüş bölgəsində xidməti, hərbi texnikanın  sirlərinə dərindən yiyələnməsi komandanlıq tərəfindən qiymətləndirilir və ona 1994-cü ildə kiçik çavuş rütbəsi verilir. Onu tank komandiri təyin edirlər.

    Eldəniz  xidmət zamanı  xüsusi  fədakarlıq göstərirmiş,yeni əsgərlərə nümunə olurmuş. Onun ən böyük arzusu Vətəni erməni dığalarından təmizləmək idi. Çünki o ailədə atası Etibar müəllimdən belə tərbiyə almışdı. Etibar müəllim hamıya vətənpərvər olmağı öyrədirdi. Bu da səbəbsiz deyil ki, onun oğlu Eldəniz  içində Vətəni qorumaq hissi yaşadırdı.Ürəyində  bu sevgi  ilə 1996-cı il fevralın 10-da kəşfiyyat zamanı  ağır yaralanan Eldənizi  həkimlər nə qədər çalışsalar da ölümün pəncəsindən qurtara bilmədilər. Martın 26-da Eldəniz əbədi olaraq gözlərini yumur. Onun qisasını almaq arzusu ilə alışıb yanan  qardaşları Şəhriyar və Emin hal-hazırda Ordu sıralarında  zabit kimi xidmət edirlər.

    Eldəniz  Alpan kəndində “Subaba” qəbiristanlığında dəfn edilmişdir. Subay idi.

 

Müəllif: İlkin R. Balayev