Alpan kəndində ilk dünyəvi məktəb 1910-cu ildə təşkil edilmişdir. Bir sinifdən ibarət olan bu ilk təhsil ocağımız bəy nəslindən olan hörmətli ziyalımız Zaman Qayıbovun mənzilində yerləşmişdir. Bu məktəbdə 12 şagird təhsil alırdı. Məktəbin ilk müəllimi Mariya Timofeyevna olmuşdur.
1915-ci ildə Alpanda ilk məktəb binası tikilmişdir. Bu binada dörd sinifli ibtidai məktəb təşkil olunmuşdu. Məktəbin müdiri vəzifəsində Qazaxlı Harun müəllim çalışmışdır. 1915-ci ildə tikilmiş bu məktəb binası 1926-cı ildə yanğın nəticəsində fəaliyyətini dayandırmışdır.
İkinci məktəb binası 1932-ci ildə inşa edilmişdir. Bu bina məktəbin müdiri olmuş Məhəmməd Babayevin təşəbbüsü ilə tikilmişdir.
1935-ci ildə Alpan kənd məktəbi natamam orta məktəb statusu almış, bakılı Ələsgər Ələsgərov həmən məktəbin ilk direktoru olmuşdur.
Alpan kəndində ilk orta məktəb 1945-ci ildə təşkil olunmuş və təhsil ocağının ilk kamal attestatını sonralar həmin məktəbdə müəllimə işləmiş Cövhərət Yaqubova almışdır.
Alpan kənd orta məktəbinin ilk tam buraxılışı 1951-ci ildə olmuşdur. Həmin illərdə məktəbin direktoru Alpan kəndinin sakini və tarix müəllimi Daşdəmir Baxış oğlu Hacıyev olmuşdur.
Alpanda 1969-cu ildə yeni məktəb binası tikilmiş və istifadəyə verilmişdir. Hal-hazırda dərslər bu binada keçirilir.
Alpan kənd məktəbi fəaliyyət göstərdiyi illərdə aşağıdakı şəxslər məktəb
ə rəhbərlik etmişlər.
HƏSƏNBALA SEYİDOV ( 1943-1945)
DAŞDƏMİR HACIYEV (1945-1954)
FAZİL MİRZƏXANOV (1954-1955)
RÜSTƏMBƏYLİ MƏMMƏD (1955-1958)
ARİF MEHRƏLİYEV (1958-1960)
QƏZƏNFƏR BUTAYEV (1960-1965)
HACIBƏY HAŞIMOV (1965-1966)
CALAL QƏRİBOV (1966-1971)
ƏLƏKBƏR QUBATOV (1971-1977)
ŞAMİL QƏHDİRANOV (1977-1981)
NADİR XASPOLADOV (1981-1986)
RAYUB ŞIXIYEV (1986-2003)
RAHİB QUBATOV (2003 – Hal-hazırda)
Alpan kənd orta məktəbini bitirmiş aşağıdakı şəxslər Elmlər Namizədi və Elmlər Doktoru adı alaraq kənd məktəbinin adını fəaliyyət göstərdikləri yerlərdə uğurla təmsil etmiş və təmsil etməkdədirlər.
TƏLƏT QAYIBOV – biologiya elmləri doktoru, prof.
MƏMMƏD RÜSTƏMBƏYLİ – tarix elmləri namizədi
MİRAB ƏHMƏDOV – kənd təssərufatı elmləri doktoru
ƏLƏKBƏR QUBATOV – filalogiya elmləri doktoru
ƏLƏSGƏR ƏLƏSGƏROV – hüquq elmləri doktoru
KƏNAN QAYIBOV – texnika elmləri namizədi
ÇAPAY RƏŞİDOV – coğrafiya elmləri namizədi
AQİL ŞAHMURADOV – tarix elmləri namizədi
İSLAM BƏYƏHMƏDOV – kənd təssərufatı elmləri namizədi
2002-ci ildən Alpan kənd orta məktəbi Qarabağ müharibəsində kəndimizin ilk şəhidi olmuş Elşad Bayramovun adını daşıyır. (Məlumat üçün qeyd edim ki, bu müharibədə kəndimiz 13 şəhid verib).
Alpan kənd orta məktəbini 3853 şagird bitirmişdir. Kənd məktəbinin məzunlarından 45 nəfəri zabit kimi fəaliyyət göstərmişlər. Hal – hazırda Azərbaycanın Ordu sıralarında 15 zabitimiz Vətənə ləyaqətlə xidmət göstərirlər.
P.S. Məlumatları toplamaqda komək etdiyinə görə məktəbin Azərbaycan dili və ədəbiyyat müəllimi Əlikişiyev Maarif müəllimə minnətdarlığımı bildirirəm.
Müəllif:İlkin R. Balayev
