Yurd yarası

698

Alpanlı  şəhid  Şükür  Rəsulzadənin  əziz  xatirəsinə

Rəsulov Şükür Şahbaba oğlu
Rəsulov Şükür Şahbaba oğlu

    1988-ci  ildən  üzü  bəri  Vətən  sevgisi  Millət  dərdinə  çevrildikcə  düşmənə  nifrəti  artır, döyüşə  can  atırdı  Şükür. Nəhayət, 1991-ci  ilin  noyabrında, Əfqanıstanda  «xilaskar  ordunun»  apardığı  anlaşılmaz  müharibənin  od – alovundan  sağ  salamat  çıxmış  təcrübəli  kəşfiyyatçı  könüllü  olaraq  yenicə  yaradılmağa  başlayan  Milli  ordumuzun  sıralarına  daxil  oldu. Daşaltı, Şuşa, Laçın, Ağdərə  və s.  döyüş  bölgələrində  aparılan  əməliyyatlarda  bölmə  komandirinin  müavini  kimi  iştirak  etmiş, Şuşadan  axırıncı  çıxan  17 döyüşçüdən  biri  olmuşdu. Son  döyüşlərində  190 №-li  briqadanın  kəşfiyyat  rotasının  starşinası  idi. 1994-cü  il  aprelin  13-ü  Ağdamın  Güllücə  kəndində  aparılan  kəşfiyyat  əməliyyatı  zamanı  ağır  yaralanıb  şəhid  oldu. Vətənimiz  bir  vurğun  övladını, Xalqımız  bir  igid  oğlunu, Ordumuz  bir  təcrübəli  kəşfiyyatçısını, doğmaları  bir  əziz  adamını  itirdi, uğrunda  can  qoyduğu  vətən  torpağı  isə  bir  az da  doğmalaşdı.

    Döyüş  dostları  danışır: – Şükür  deyərdi – «elə  bil  doğulduğum  kənd, uşaqlığım  keçən  yerlər  uğrunda  döyüşürəm; bilirsiz  buralar  bizim  yerlərə  necə  oxşayır?! İnşallah, gedərik  görərsiz» – Niyə  bizi  yasına  gətirdim, qardaş?! İki  övlad  atası  şəhid  Şükürün  əziz  xatirəsi  doğmalarının  niskilli  ürəyində, onu  tanıyan  bütün  vətənsevər  yurddaşlarımızın  yaralı  yaddaşında, qanı  tökülən  vətən  torpağının  otunda – çiçəyində  ömürlük  yaşarıdı. Ruhu  isə  Rəbbinin  yanında  diri  olub  Millətin  didərgin, Vətənin  düşmən  tapdağında  qalmasından  nigaranlıqla  O qüdrət  sahibindən  xalqına  kömək  diləyir. Allah – təala  isə  ancaq  həqiqi  müsəlmanlardan  köməyini  əsirgəmir. Heç  olmasa  şəhidlərimizin  narahat  ruhlarının, bu  müharibədə  əlil  olanların, yetim  qalanların, əsir  düşənlərin, alçaldılanların  ahı  bizi  tutmamış  dinə, qeyrətə  gələk…

    İndən  belə  Aysel  və  Rəsulu  ataları  Şükürün  qəhrəman  şəxsiyyətinə  və  Rəsulullahın  sünnəsinə  layiq  böyütmək  uşaqların  anası  Mənzarə  bacının  öhdəsinə  düşən  valideynlik  borcu  olmaqla  yanaşı  müqəddəs  şərəf  işidi. Hər  ikisi  1991-ci  il  könüllülərindən  olan, başına  erməni  ordusu  tərəfindən  məbləğ  kəsilmiş  zabit  Fuad  Zahir  oğlu  Kamilov  14 şəhidli  kəndimizdə  kişi  sadəliyinin, səmimiyyətinin  rəmzi  sayılırdısa, Şükür  Şahbaba  oğlu  kişi  mənliyi, təmkini  ilə  nümunəvi  bir  şəxsiyyət  idi. Allah  dərəcələrin  artırsın!

                                                                           Müəllif:Cabir Albantürk